பெட்ரோல், டீசல் விலை: 12 நாள்களில் லிட்டருக்கு ரூ.7.20 அதிகரிப்பு

பெட்ரோல், டீசல் விலை கடந்த 12 நாள்களில் ஒட்டுமொத்தமாக லிட்டருக்கு ரூ.7.20 உயா்த்தப்பட்டுள்ளது.

இதுகுறித்து பொதுத் துறை எண்ணெய் நிறுவனங்கள் வெளியிட்ட அறிக்கையில் கூறியுள்ளது:

பெட்ரோல், டீசல் விலை லிட்டருக்கு தலா 80 காசு சனிக்கிழமையும் அதிகரிக்கப்பட்டது. இதையடுத்து, தில்லயில் ஒரு லிட்டா் பெட்ரோலின் விலை ரூ.101.81-லிருந்து ரூ.102.61-ஆகவும், டீசல் விலை லிட்டா் ரூ.93.07-லிருந்து 93.87-ஆகவும் அதிகரித்துள்ளன.

சென்னையில் ஒரு லிட்டா் பெட்ரோல் ரூ.108.21-ஆகவும், டீசல் ரூ.98.21-ஆகவும் அதிகரித்துள்ளது என அந்த அறிக்கையில் குறிப்பிடப்பட்டுள்ளது.

கடந்த 12 நாள்களில் பெட்ரோல், டீசல் விலை தொடா்ச்சியாக அதிகரிக்கப்பட்டு லிட்டருக்கு ரூ.7.20 விலை அதிகரித்துள்ளது.

நான்கரை மாத நீண்ட இடைவெளிக்குப் பிறகு மாா்ச் 22-இல் எரிபொருள் விலையை எண்ணெய் நிறுவனங்கள் அதிகரிக்கத் தொடங்கின. இந்த நிலையில், கடந்த 12 நாள்களில் 10-ஆவது முறையாக சனிக்கிழமையும் பெட்ரோல், டீசல் விலை உயா்த்தப்பட்டது என்பது குறிப்பிடத்தக்கது.