மொத்த விலை குறியீடு அடிப்படையிலான பணவீக்கம் 14.55%

புது தில்லி: மார்ச் 2021-ல் 7.89% ஆக இருந்த மொத்தவிலை குறியீடு அடிப்படையிலான பணவீக்கம் கடந்த 4 மாதத்தில் இல்லாத அளவுக்கு மார்ச் 2022-ல் 14.55% ஆக உள்ளது. 

இந்த பணவீக்க அதிகரிப்புக்கு, ரஷ்யா – உக்ரைன் போர் காரணமாக உலகளாவிய விநியோக சங்கிலியில் ஏற்பட்ட பாதிப்புகளால் கச்சா பெட்ரோலியம் மற்றும் இயற்கை எரிவாயு, தாது எண்ணெய்கள், அடிப்படை உலோகங்களின் விலை அதிகரித்ததே காரணமாகும்.

இதையும் படிக்க.. 'சரணடைய மாட்டோம்': மரியுபோல் எஃகு ஆலையில் கடும் போர்

ஏப்ரல் 2021ஆம் ஆண்டு முதல் தொடர்ந்து 12 மாதங்களாக மொத்தவிலை குறியீடு அடிப்படையிலான பணவீக்கம் இரண்டு இலக்கத்திலேயே நீடிக்கிறது.

தொழில் ஊக்குவிப்பு மற்றும் சர்வதேச வர்த்தகத்துறையின் பொருளாதார ஆலோசகர் அலுவலகம், இந்தியாவிற்கான மொத்த விலை குறியீட்டு அட்டவணை எண்ணை வெளியிட்டுள்ளது. இந்த தற்காலிக விலை குறியீட்டு விவரங்கள் ஒவ்வொரு மாதமும் 14-ம் தேதி (அல்லது) அடுத்த வேலை நாளில் வெளியிடப்படும் என்பது குறிப்பிடத்தக்கது.