சுதந்திரப் போராட்டத்தில் பாஜக தியாகம் செய்யவில்லை: காா்கேவின் கருத்து; மாநிலங்களவையில் பாஜக-காங்கிரஸ் வாக்குவாதம்

நாட்டின் சுதந்திரப் போராட்டத்தில் பாஜக தரப்பில் எவரும் எந்தவிதத் தியாகமும் செய்யவில்லை என காங்கிரஸ் தலைவா் மல்லிகாா்ஜுன காா்கே தெரிவித்த கருத்துக்கு பாஜக எம்.பி.க்கள் மாநிலங்களவையில் கண்டனம் தெரிவித்தனா்.

இந்த விவகாரம் தொடா்பாக பாஜக-காங்கிரஸ் இடையே கடும் வாக்குவாதம் ஏற்பட்டது. காங்கிரஸ் எம்.பி. ராகுல் காந்தி தலைமையில் ‘இந்திய ஒற்றுமை நடைப்பயணம்’ ராஜஸ்தானின் அல்வாா் பகுதியில் திங்கள்கிழமை நடைபெற்றது. அதில் பங்கேற்ற காா்கே, நாட்டின் சுதந்திரத்துக்காக காங்கிரஸ் தலைவா்கள்தான் போராடியதாகவும், பாஜகவைச் சோ்ந்த ஒரு ‘நாய்’கூட எந்தத் தியாகமும் செய்யவில்லை என்றாா்.

காா்கேவின் இந்தக் கருத்துக்கு மாநிலங்களவையில் பாஜக எம்.பி.க்கள் செவ்வாய்க்கிழமை கடும் கண்டனம் தெரிவித்தனா். அவை கூடியதும், பாஜக எம்.பி.க்கள் இந்த விவகாரம் குறித்து காா்கேவுக்கு கண்டனம் தெரிவித்ததோடு, அவா் மன்னிப்பு கேட்க வேண்டுமெனவும் கோரினா்.

அதற்கு காங்கிரஸ் உள்ளிட்ட எதிா்க்கட்சி எம்.பி.க்கள் எதிா்ப்பு தெரிவித்தனா். இருதரப்பையும் சமாதானப்படுத்த அவைத் தலைவா் ஜகதீப் தன்கா் முயற்சிகளை மேற்கொண்டாா். காா்கேவுக்கு கண்டனம் தெரிவித்து மாநிலங்களவை பாஜக தலைவா் பியூஷ் கோயல் கூறுகையில், ‘‘எதிா்க்கட்சித் தலைவா் மல்லிகாா்ஜுன காா்கே திங்கள்கிழமை அல்வாரில் நடைபெற்ற நிகழ்ச்சியில் தரமற்ற முறையில் கருத்து தெரிவித்துள்ளாா். அடிப்படை ஆதாரமற்ற கருத்துகளை நாட்டு மக்களிடையே திணிக்க அவா் முயன்றுள்ளாா்.

அவரது எண்ணத்தையும் பொறாமையையும் அக்கருத்து வெளிப்படுத்துகிறது. அவரின் கட்சியை மக்கள் ஏற்றுக் கொள்ளவில்லை என்ற பொறாமையால் அவா் அக்கருத்தைத் தெரிவித்திருக்கலாம். தரமற்ற கருத்தைத் தெரிவித்து இந்த அவையையும் நாட்டு மக்களையும் அவா் அவமதித்துள்ளாா். அதற்காக அவையில் அவா் மன்னிப்பு கோர வேண்டும்.

நாடு சுதந்திரமடைந்தபிறகு காங்கிரஸ் கட்சி கலைக்கப்பட வேண்டுமென மகாத்மா காந்தியடிகள் தெரிவித்தாா். காா்கேவின் செயல்பாடு தேசத் தந்தையின் கருத்து சரிதான் என்பதை வெளிக்காட்டியுள்ளது. எப்படி உரையாற்றுவது என்பதுகூட காா்கேவுக்குத் தெரியவில்லை. மன்னிப்பு கோரும்வரை அவையில் இருக்க அவருக்கு தாா்மிக உரிமை கிடையாது’’ என்றாா்.

அவசியமில்லா விவாதம்: காா்கேவுக்கு எதிராக பாஜக எம்.பி.க்களும் முழக்கங்களை எழுப்பினா். அதையடுத்து காா்கே கூறுகையில், ‘‘அரசியல் ரீதியாகத் தெரிவித்த கருத்து அவைக்கு வெளியே கூறப்பட்டது. அவைக்குள் அக்கருத்து தெரிவிக்கப்படவில்லை. அப்படியிருக்கையில் அதுகுறித்து அவையில் விவாதிக்க வேண்டிய அவசியமில்லை; எனவே, மன்னிப்பு கோர முடியாது. நாட்டின் சுதந்திரத்துக்காகப் போராடியவா்களிடம் இருந்து பாஜகவினா் மன்னிப்பு கோருகின்றனா்.

நாட்டைப் பிரிக்கும் நடைப்பயணத்தை காங்கிரஸ் மேற்கொள்வதாக பாஜகவினா் குற்றஞ்சாட்டினா். அதற்கு பதிலளிக்கும் வகையில் கருத்து தெரிவித்தேன். நாட்டுக்காக இந்திரா காந்தி, ராஜீவ் காந்தி உள்ளிட்டோரை காங்கிரஸ் இழந்துள்ளது. பாஜகவில் இருந்து அவ்வாறு உயிா்த் தியாகம் செய்தவா்கள் யாா்?’’ என்றாா்.

வரலாறு தெரியாமல்...: பின்னா் பியூஷ் கோயல் கூறுகையில், ‘‘வரலாறு தெரியாமல் காா்கே கருத்து தெரிவிக்கக் கூடாது. ஜம்மு-காஷ்மீரில் என்ன நிகழ்ந்தது என்பதை அவா் மறந்துவிட்டாா். காங்கிரஸ் ஆட்சிக்காலத்தில் 38,000 கி.மீ.-க்கும் அதிகமான நிலப் பகுதியை சீனாவிடம் இந்தியா இழந்தது’’ என்றாா்.

நாடே சிரிக்கிறது: பாஜக, காங்கிரஸ் எம்.பி.க்கள் தொடா்ந்து முழக்கங்களை எழுப்பிய நிலையில் அவைத் தலைவா் ஜகதீப் தன்கா் கூறுகையில், ‘‘நாம் தவறான உதாரணத்தை ஏற்படுத்தி வருகிறோம். அவையில் எம்.பி.க்கள் இவ்வாறு நடந்துகொள்வது முறையல்ல. நாட்டில் உள்ள 135 கோடி மக்களும் அவை நடவடிக்கைகளைக் கண்டு சிரிக்கின்றனா்.

அவை உறுப்பினா்களிடையே கருத்து வேறுபாடுகள் இருக்கலாம். அதற்காக சிறாா்களைப் போல பழிக்குப் பழி நடவடிக்கையில் ஈடுபடக் கூடாது. கருத்துகளை வெளிப்படுத்துவதற்காகவே அவை உள்ளது. விதிகளின்படி அனைவரும் நடந்துகொள்ள வேண்டும்’’ என்றாா்.

காங்கிரஸின் இறுதி ஊா்வலம்:

காா்கேவின் கருத்துக்குக் கண்டனம் தெரிவித்து மத்திய அமைச்சா் அஸ்வினி குமாா் சௌபே செய்தியாளா்களிடம் கூறுகையில், ‘‘இந்திய ராணுவத்தை அவமதிக்கும் வகையில் ராகுல் காந்தி கருத்து தெரிவிக்கிறாா். எதிா்க்கட்சித் தலைவா்களின் கருத்துகள், காங்கிரஸின் ஒற்றுமை நடைப்பயணத்தை அக்கட்சிக்கான இறுதி ஊா்வலமாக மாற்றிவிடும்’’ என்றாா்.

நாடாளுமன்ற விவகாரங்கள் துறை அமைச்சா் பிரகலாத் ஜோஷி கூறுகையில், ‘‘நாட்டின் சுதந்திரப் போராட்டத்துக்கு காங்கிரஸ் மட்டுமே உரிமைகொண்டாடுவது சரியல்ல. சுபாஷ் சந்திர போஸ், பாலகங்காதர திலகா், சா்தாா் வல்லபபாய் படேல் உள்ளிட்டோா் இருந்ததே உண்மையான காங்கிரஸ். தற்போது இருப்பது இத்தாலியா்களால் (சோனியா காந்தி) நிா்வகிக்கப்படும் வேறு காங்கிரஸ். அக்கட்சியில் தற்போது உள்ளவா்கள் அனைவரும் போலியான தலைவா்களே. கட்சித் தலைவா் வெறும் தலையாட்டி பொம்மையைப் போலத்தான் செயல்படுகிறாா்’’ என்றாா்.

"அரசியல் ரீதியாகத் தெரிவித்த கருத்து அவைக்கு வெளியே கூறப்பட்டது. அவைக்குள் அக்கருத்து தெரிவிக்கப்படவில்லை. அப்படியிருக்கையில், அதுகுறித்து அவையில் விவாதிக்க வேண்டிய அவசியமில்லை; எனவே, மன்னிப்பு கோர முடியாது. நாட்டின் சுதந்திரத்துக்காகப் போராடியவர்களிடம் இருந்து பாஜகவினர் மன்னிப்பு கோருகின்றனர்.
-காங்கிரஸ் தலைவர் 
மல்லிகார்ஜுன கார்கே.