நாட்டில் 45,000 கிராமங்களில் 4ஜி சேவை வழங்கப்படவில்லை என்று மத்திய தகவல் தொழில்நுட்ப அமைச்சகம் நாடாளுமன்றத்தில் புதன்கிழமை தெரிவித்துள்ளது.

நாடாளுமன்ற குளிர்காலக் கூட்டத்தொடர் டிசம்பர் 7-ஆம் தேதி முதல் நடைபெற்று வருகின்றது. இந்த தொடரில், 4ஜி சேவை வழங்கப்படாத கிராமங்களின் எண்ணிக்கை குறித்து நாடாளுமன்ற உறுப்பினர் ஒருவரின் கேள்விக்கு மத்திய தகவல் தொழில்நுட்ப அமைச்சகம் இன்று பதிலளித்துள்ளது.

இதையும் படிக்க | வந்தே பாரத் ரயிலில் வருகிறது புதிய வசதி!

அதில், நாட்டில் இதுவரை 93 சதவிகிதம் கிராமங்கள் 4ஜி சேவைகளை பெற்றுள்ளன. மொத்தம் 45,000 கிராமங்களுக்கு இதுவரை 4ஜி சேவை வழங்கப்படவில்லை. அதிகபட்சமாக ஒடிஸாவில் 7,592 கிராமங்களில் 4ஜி சேவை இல்லை என்று பதிலளிக்கப்பட்டுள்ளது.