மணிப்பூர் சட்டப்பேரவைத் தேர்தல்: இரண்டாம் கட்ட வேட்பாளர்கள் பட்டியலை வெளியிட்டது காங்கிரஸ்

மணிப்பூர் மாநில சட்டப்பேரவைத் தேர்தலுக்கான இரண்டாம் கட்ட வேட்பாளர்கள் பட்டியலை அம்மாநில காங்கிரஸ் கட்சி செவ்வாய்க்கிழமை வெளியிட்டது.

உத்தரப்பிரதேசம், மணிப்பூர், பஞ்சாப், கோவா, உத்தரகண்ட் ஆகிய 5 மாநில சட்டப்பேரவைத் தேர்தல் அறிவிக்கப்பட்டுள்ள நிலையில் பல்வேறு அரசியல் கட்சிகளும் தீவிர பிரசாரத்தை மேற்கொண்டு வருகின்றன.

இதையும் படிக்க | மத்திய பட்ஜெட் இனிப்பும், கசப்பும் கலந்த கலவை: விஜயகாந்த்

இந்நிலையில் மணிப்பூர் மாநில காங்கிரஸ் கட்சி இரண்டாம் கட்ட வேட்பாளர்கள் பட்டியலை செவ்வாய்க்கிழமை வெளியிட்டுள்ளது. மொத்தம் உள்ள 60 தொகுதிகளில் ஏற்கெனவே 40 தொகுதிகளுக்கான வேட்பாளர்கள் அறிவிக்கப்பட்ட நிலையில் மேலும் 10 தொகுதிகளுக்கான வேட்பாளர்கள் பட்டியலை அம்மாநில காங்கிரஸ் கட்சி வெளியிட்டுள்ளது.

மணிப்பூர் மாநிலத்தில் இரண்டு கட்டங்களாக நடைபெறும் சட்டப்பேரவைத் தேர்தலில் பிப்ரவரி 27ஆம் தேதி தொடங்கும் வாக்குப்பதிவு மார்ச் 10ஆம் தேதி நிறைவடைகிறது.