மும்பை: கரோனா தொற்று பாதிப்பால் மருத்துவமனையில் அவசர சிகிச்சை பிரிவில் (ஐசியு) அனுமதிக்கப்பட்டுள்ள பாடகி லதா மங்கேஷ்கரின் (92) உடல் நிலையில் நல்ல முன்னேற்றம் ஏற்பட்டுள்ளது. அவருக்கு பொருத்தப்பட்டிருந்த வென்டிலேட்டர் அகற்றப்பட்டதாக  தெரிவிக்கப்பட்டுள்ளது.

லதா மங்கேஷ்கரின் உடல்நிலை குறித்து அவரது குடும்பத்தார் வெளியிடிருக்கும் அறிக்கையில் மேற்கண்ட தகவல் தெரிவிக்கப்பட்டுள்ளது.

இந்தியாவின் நைட்டிங்கேல் என்று லதா மங்கேஷ்கரை அழைத்திருக்கும் அந்த அறிக்கையில், தொடர்ந்து அவர் மும்பை ப்ரீச் கேண்டி மருத்துவமனையின் தீவிர சிகிச்சைப் பிரிவில்தான் வைக்கப்பட்டிருக்கிறார் என்றும் கூறப்பட்டுள்ளது.

இதையும் படிக்க.. வெள்ளையா, கருப்பா, ஒல்லியா, குண்டா இருக்கோம்னு கவலையா?

அந்த அறிகையில், லதா அம்மா தொடர்ந்து ப்ரீஸ் கேண்டி மருத்துவமனையின் தீவிர சிகிச்சைப் பிரிவில்தான் வைக்கப்படுவார். இன்று காலை பரீட்சார்த்த முறையில் அவருக்கு பொருத்தப்பட்டிருந்த வென்டிலேட்டர் நீக்கப்பட்டுள்ளது.

அவரது உடல்நிலையில் நல்ல முன்னேற்றம் காணப்படுகிறது. எனினும், அவர் மருத்துவர்களின் தொடர் கண்காணிப்பிலேயே வைக்கப்பட வேண்டியது அவசியம். உங்களின் பிரார்த்தனை மற்றும் வாழ்த்துகளுக்கும் நன்றி என்று கூறியுள்ளார்.

லதா மங்கேஷ்கருக்கு ஜனவரி 11-ஆம் தேதி கரோனா தொற்று உறுதி செய்யப்பட்டு, மும்பை தனியாா் மருத்துவமனையில் அனுமதிக்கப்பட்டாா்.