தெலங்கானா மாநிலத்தில் உள்ள வாரங்கலில் மிதமான நிலநடுக்கம் ஏற்பட்டுள்ளதாக நிலஅதிர்வு மையம் தெரிவித்துள்ளது. 

இதுதொடர்பாக நிலஅதிர்வு மையம் வெளியிட்ட தகவலில், 

வாரங்கல்லுக்கு கிழக்கே 127 கி.மீ. தூரத்தில் நிலநடுக்கம் உணரப்பட்டுள்ளது. 

படிக்க: தங்கம் விலை குறைந்தது: எவ்வளவு?

இந்த நிலநடுக்கம் இன்று அதிகாலை 4.43 மணியளவில் ஏற்பட்டுள்ளது. நிலநடுக்கத்தின் திறன் ரிக்டர் அளவுகோலில் 3.6 ஆக பதிவாகியுள்ளது. 

பூமிக்கடியில் 30 கி.மீ. ஆழத்தில் ஏற்பட்ட நிலநடுக்கத்தால் யாருக்கும் எந்தவித பாதிப்பும் இல்லை என்று தெரிவிக்கப்பட்டுள்ளது.