மத்திய அமைச்சரும், பிகாரை சேர்ந்த பாஜக மூத்த தலைவருமான நித்யானந்த் ராய்க்கு விடியோவில் கொலை மிரட்டல் விடுத்த நபர் போலீஸாரால் கைது செய்யப்பட்டுள்ளார்.
மத்திய அமைச்சரை கொல்லும் கனவு இருப்பதாக விடியோ பதிவு ஒன்று சமூக வலைத்தளங்களில் வைரலாகப் பரவி வந்த நிலையில், கொலை மிரட்டல் விடுத்த மாதவ் ஜா(25) இன்று அதிகாலை கைது செய்யப்பட்டுள்ளதாக வைஷாலி காவல் கண்காணிப்பாளர் குமார் மனீஷ் கூறியுள்ளார்.
இதுதொடர்பாக மேலும் விசாரணை நடந்து வருகிறது.