ஹிமாசலில் லேசான நிலநடுக்கம்!

ஹிமாச்சல பிதேசத்தின் சாம்பா மாவட்டத்தில் மிதமான நிலநடுக்கம் ஏற்பட்டுள்ளதாக அமெரிக்கப் புவியியல் ஆய்வு மையம் தெரிவித்துள்ளது. 

இதுகுறித்து இன்று வெளியிட்ட அறிக்கையில், 

சாம்பா மாவட்டத்தில் காலை 11.35 மணியளவில் இந்த நிலநடுக்கம் ஏற்பட்டது. இந்த நிலநடுக்கம் 5 கி.மீ ஆழத்தில் ஏற்பட்டுள்ளது. ரிக்டர் அளவில் 3.1 அலகுகளாக பதிவாகியுள்ளது. 

நிலநடுக்கத்தால் எந்தவித உயிர்ச்சேதமோ, பொருள்சேதமோ ஏற்படவில்லை. 

படிக்க: தில்லி கலால் கொள்கை வழக்கு: சிசோடியாவின் ஜாமீன் மனு தள்ளுபடி!

முன்னதாக கடந்த ஜூன் 30ம் தேதி சாம்பா மாவட்டத்தில் ரிக்டர் அளவில் 3.5 ஆகப் பதிவாகியுள்ள நிலையில், மீண்டும் இன்று நிலநடுக்கம் ஏற்பட்டுள்ளது குறிப்பிடத்தக்கது.