கர்நாடகத் தேர்தல்: காங்கிரஸ் 120 தொகுதிகளில் முன்னிலை

கர்நாடக பேரவைத் தேர்தலில் காங்கிரஸ் 120 தொகுதிகளில் முன்னிலை பெற்று வருகிறது. 

கர்நாடக பேரவைத் தேர்தலில் பதிவான வாக்குகள் எண்ணும் பணி மாநிலத்தில் மொத்தம் 36 மையங்களில் இன்று(சனிக்கிழமை) காலை 8 மணிக்குத் தொடங்கி நடைபெற்று வருகிறது. 

காலை 11.15 மணி நிலவரப்படி காங்கிரஸ்- 120, பாஜக-72, மஜத -25, பிற கட்சிகள்- 7 இடங்களில் முன்னிலை பெற்று வருகின்றன. 

இதையும் படிக்க | காங்கிரஸ் எம்எல்ஏக்களை பெங்களூரு அழைத்துவர ஏற்பாடு!

பெரும்பான்மைக்குத் தேவையான 113 இடங்களுக்கு மேலாகவே காங்கிரஸ் நீண்ட நேரமாக முன்னிலையில் இருந்து வருகிறது. இதே நிலை தொடரும்பட்சத்தில் மஜத கட்சியின் ஆதரவின்றி கர்நாடகத்தில் காங்கிரஸ் ஆட்சியமைக்கும். 

நாடு முழுவதும் காங்கிரஸ் கட்சியினர் பல்வேறு இடங்களில் கொண்டாட்டத்தில் ஈடுபட்டுள்ளனர். 

தேர்தல் ஆணையம் வெளியிட்டுள்ள முடிவுகளின்படி காங்கிரஸ் 119 இடங்களில் முன்னிலை பெற்று வருகிறது. 

இதையும் படிக்க | காங்கிரஸ் முன்னிலை: கொண்டாட்டத்தில் தொண்டர்கள்!