போக்குவரத்துத் துறை ஊழியர்கள் ஜீன்ஸ், டி-சர்ட் அணியத் தடை!

ராஜஸ்தானில் போக்குவரத்துத் துறை ஊழியர்கள் ஜீன்ஸ் மற்றும் டி-சர்ட் போன்ற ஆடைகளை அணிய வேண்டாம் எனப் போக்குவரத்துத் துணை ஆணையம் மணீஷ் அரோரா தெரிவித்துள்ளார்.

சமீபத்தில் தலைமைச் செயலர் அலுவலகத்தில் திடீர் ஆய்வு நடத்தினார். அப்போது பல ஊழியர்கள் டி-சர்ட், ஜீன்ஸ் போன்ற கேஷுவல் உடைகள் அணிந்திருந்தனர். இதையடுத்து பணியின்போது கண்ணியமான ஆடைகள் அணியுமாறு அவர் அறிக்கை ஒன்றை வெளியிட்டுள்ளார்.

இதுதொடர்பாக அவர் வெளியிட்ட அறிக்கையில்,

பணியின் போது ஜீன்ஸ், டி-சர்ட் மற்றும் பிற அநாகரீகமான ஆடைகளை அணிந்து பணிக்கு வருவது அலுவலகத்தின் கண்ணியத்திற்கு எதிராக உள்ளது. எனவே, ஊழியர்கள் சாதாரண உடை அணிந்து அலுவலகத்திற்கு வர வேண்டும்.

ஆண்கள் பேண்ட் - சட்டை, பெண்கள் சேலை அல்லது சல்வார் போன்ற உடையில் வரலாம். ஊழியர்கள் இதைக் கட்டாயம் கடைப்பிடிக்க வேண்டும் என்றும் அவர் தெரிவித்துள்ளார்.