ஜம்முவில் உள்ள பலத்த பாதுகாப்பைக் கொண்ட மத்திய சிறையில் செல்போன் ஒன்று கண்டுபிடிக்கப்பட்டுள்ளதாக காவல்துறை அதிகாரிகள் தெரிவித்துள்ளனர். ஒரு பாலிதீன் பைக்குள் சிம்கார்ட் இல்லாத செல்போன், ஒரு ஹெட்போன் மற்றும் ஒரு அடாப்டர் ஆகியவைகள் கண்டுபிடிக்கப்பட்டுள்ளது. 

உள்நாட்டு மற்றும் வெளிநாட்டு தீவிரவாதிகளைக் கொண்டுள்ள சிறைப்பகுதியில் மத்திய தொழில் பாதுகாப்பு படை அதிகாரி ஒருவரால் அந்த பாலிதீன் பை கண்டுபிடிக்கப்பட்டுள்ளது. 

இதையும் படிக்க: ஜம்மு-காஷ்மீரில் மிதமான நிலநடுக்கம்!

 
இதுகுறித்து வழக்கு பதிவு செய்யப்பட்டுள்ளதாகவும், தடவியல் நிபுனர்களின் உதவியோடு விசாரணைகள் மேற்கொள்ளப்பட்டு வருவதாகவும் தெரிவிக்கப்பட்டுள்ளது.

இந்த செல்போன் கைதிகளின் பயன்பாட்டில் இருந்ததா அல்லது வெளியிலிருந்து சிறைக்குள் தூக்கியெறியப்பட்டதா என விசாரணைகள் நடைபெற்று வருவதாகக் காவல்துறை அதிகாரிகள் தெரிவித்துள்ளனர்.