ஜம்மு - காஷ்மீரின் முன்னாள் முதல்வரும் மக்கள் ஜனநாயக கட்சியின் தலைவருமான மெகபூபா முப்தி சென்ற கார் விபத்தில் சிக்கியது.

அனந்த்நாக் மாவட்டம் கானாபால் பகுதியில் கடந்த இரண்டு நாள்களுக்கு முன்பு தீ விபத்து ஏற்பட்டு வீடுகளை இழந்தவர்களை சந்திப்பதற்காக சென்று கொண்டிருந்தபோது இந்த விபத்து ஏற்பட்டதாக மக்கள் ஜனநாயக கட்சி தரப்பில் தெரிவிக்கப்பட்டுள்ளது.

கானாபால் நோக்கி சங்கம் என்ற பகுதி அருகே மெகபூபா முப்தியின் கார் சென்று கொண்டிருந்தபோது விபத்து ஏற்பட்டுள்ளது.

இதையும் படிக்க | கனடாவில் விமானம் புறப்படும்போது திடீரென கீழே குதித்த நபர்!

இந்த விபத்தில் மெகபூபா முப்தியும், அவரது பாதுகாப்பு காவலர்களும் எந்த காயமும் இன்றி தப்பினர். அவரது கார் ஓட்டுநர் மட்டும் காலில் காயத்துடன் மீட்கபட்டு மருத்துவமனைக்கு அனுப்பி வைக்கப்பட்டுள்ளார்.

தொடர்ந்து வேறொரு கார் மூலம் மெகபூபா கானாபால் நோக்கி புறப்பட்டுச் சென்றதாக கூறப்படுகிறது.