நாடாளுமன்றத்தில் இந்திய அணிக்கு வாழ்த்து!

டி20 உலகக் கோப்பை வென்ற இந்திய அணிக்கு மக்களவை தொடங்கியவுடன் வாழ்த்து தெரிவிக்கப்பட்டது.

கடந்த சனிக்கிழமை இரவு நடைபெற்ற உலகக் கோப்பை இறுதிப் போட்டியில் தென்னாப்பிரிக்கா அணியை வீழ்த்தி இந்திய அணி இரண்டாவது முறையாக டி20 கோப்பையை வென்றது.

இந்த நிலையில், இன்று காலை மக்களவை தொடங்கியவுடன் இந்திய அணியின் கேப்டன் ரோஹித் சர்மா மற்றும் வீரர்களுக்கு அவைத் தலைவர் ஓம் பிர்லா வாழ்த்து தெரிவித்தார்.

முன்னதாக ஒருநாள் உலகக் கோப்பை ஒருமுறையும், டி20 உலகக் கோப்பை ஒருமுறையும் இந்திய அணி வென்றிருந்தது.