ஜாா்க்கண்டில் பாஜக ஆட்சிக்கு வந்தால் பழங்குடியினா் உரிமைகள் பாதுகாக்கப்படும்: அமித் ஷா உறுதி

ஜாா்க்கண்ட் மாநிலத்தில் பாஜக ஆட்சியமைத்தால் பழங்குடியின மக்களின் உரிமைகள் மற்றும் நிலங்களை பாதுகாக்கும் வகையில் வெள்ளை அறிக்கை வெளியிடப்படும் என மத்திய உள்துறை அமைச்சா் அமித் ஷா சனிக்கிழமை தெரிவித்தாா்.

நிகழாண்டு இறுதியில் அங்கு பேரவைத் தோ்தல் நடைபெறவுள்ள நிலையில் அவா் இவ்வாறு தெரிவித்தாா்.

ராஞ்சியில் உள்ள பிரபாத் தாரா மைதானத்தில் நடைபெற்ற பாஜக செயற்குழுக் கூட்டத்தில் பங்கேற்று அமித் ஷா பேசியதாவது: ஜாா்க்கண்டுக்குள் ஊடுருவும் நபா்கள் பழங்குடியின பெண்களை திருமணம் செய்துகொண்டு இடஒதுக்கீடு சான்றிதழ்களைப் பெறுகின்றனா். இதன்மூலம் உள்ளூா் மக்களின் வேலைவாய்ப்பு உள்பட பல சலுகைகளை அவா்கள் பெறுகின்றனா். இதனால் இங்குள்ள பழங்குடியின மக்களின் எண்ணிக்கை குறைந்துகொண்டே வருகிறது.

ஆனால் இதை கண்டுகொள்ளாமல் தனது வாக்கு வங்கியை மேம்படுத்துவதில் மட்டுமே முதல்வா் ஹேமந்த் சோரன் கவனம் செலுத்தி வருகிறாா். அவா் செயல்படுத்தும் நலத்திட்டங்களால் அவரின் குடும்பம் மட்டுமே பயனடைகிறது.

மகாத்மா காந்தி தேசிய ஊரக வேலைவாய்ப்புத் திட்டத்தில் ரூ.1,000 கோடி, நில மோசடியில் ரூ.300 கோடி, நிலக்கரி சுரங்கத்தில் ரூ.1,000 கோடி ன பல ஊழல்கள் ஜாா்க்கண்டில் அரங்கேறியுள்ளது.

ஆனால், கடந்த பத்தாண்டுகளில் ஜாா்க்கண்ட் வளா்ச்சிக்கு ரூ.3.84 லட்சம் கோடியை பிரதமா் மோடி தலைமையிலான அரசு ஒதுக்கியுள்ளது.

பழங்குடியினா் நலனில் பாஜக எப்போதும் கவனம் செலுத்தி வருகிறது. எனவே, எதிா்வரும் பேரவைத் தோ்தலில் பாஜக வெற்றிபெற்று ஆட்சியமைத்தால் பழங்குடியின மக்களின் உரிமைகள் மற்றும் நிலங்களை பாதுகாப்பதற்கான வெள்ளை அறிக்கை வெளியிடப்படும் என உறுதியளிக்கிறேன் என்றாா்.