மதச்சார்பற்ற ஜனதாதளக் கட்சியின் தலைவர் தேவ கௌடாவுக்கு, தனது எக்ஸ்தளப் பக்கத்தில் பிறந்தநாள் வாழ்த்து தெரிவித்துள்ளார் பிரதமர் மோடி.

கர்நாடகத்தில், மே 18,1933-இல் பிறந்த தேவகௌடாவின் முழுப்பெயர் ஹரதனஹல்லி தொட்டெகௌடா தேவகௌடா என்பதே. இன்று (மே 18) இவரது 90-ஆவது பிறந்தநாளினை வாழ்த்தும் விதமாக பிரதமர் மோடி, தனது எக்ஸ்தளப் பக்கத்தில் பிறந்தநாள் வாழ்த்து தெரிவித்துள்ளார்.

தேவ கௌடா, 1975-ஆம் காலகட்டத்தில் காங்கிரஸ் கட்சியினை எதிர்த்து, ஜெயபிரகாஷ் நாராயணன் உருவாக்கிய ஜனதா கட்சியில் இணைந்து படிப்படியாக முன்னேறினார். காங்கிரசில் இருந்து வெளியேறிய அமைச்சர்களில் ‌ஒருவரான வி.பி. சிங் ஆரம்பித்த ஜனதா தளம் கட்சியை உருவாக்கப் பெரும்பங்காற்றிய இவர், 1999-இல் வி.பி. சிங் ஜனதா தளக் கட்சியை முடக்கம் செய்துகொண்டதால், மதச்சார்பற்ற ஜனதாதள கட்சியை உருவாக்கி, அதன் தலைவராக உள்ளார்.

தேவ கௌடா இந்தியாவின் 11வது பிரதமராகவும், கர்நாடகத்தின் 14வது முதலமைச்சராகவும் பதவி வகித்துள்ளார்.