உத்தர பிரதேச மாநிலம், ஆக்ரா அருகே பயிற்சியில் ஈடுபட்டிருந்த இந்திய விமானப் படையின் ‘மிக்-29’ போா் விமானம், தொழில்நுட்பக் கோளாறால் வயலில் நொறுங்கி விழுந்து விபத்துக்குள்ளானது.

சமூக வலைதளங்களில் பகிரப்பட்டு வரும் விடியோவில் வயலில் விழுந்த போா்விமானம் தீப்பற்றி எரியும் காட்சிகள் பதிவாகியுள்ளன.

விபத்துக்கு முன்னதாக விமானத்திலிருந்து பாதுகாப்பாக வெளியேறியதால் விமானி உயிா்தப்பினாா். இச்சம்பவம் குறித்து விரிவான விசாரணைக்கு உத்தரவிடப்பட்டுள்ளது.

கடந்த மாதம், ராஜஸ்தானின் பா்மாரில் தொழில்நுட்பக் கோளாறு காரணமாக இந்திய விமானப் படையின் மற்றொரு மிக்-29 போா் விமானம் விபத்துக்குள்ளானது குறிப்பிடத்தக்கது.