இந்தியாவிலிருந்து இறக்குமதி செய்யப்படும் சூரிய சக்தி மீது அமெரிக்கா வரி விதித்த நிலையில், சூரிய சக்தி பங்குகள் சரிவடைந்தன.

இந்தியாவிலிருந்து இறக்குமதி செய்யப்படும் சூரிய மின்கலம் மற்றும் தகடுகளுக்கு அமெரிக்கா 126 சதவிகித வரி விதித்துள்ளது.

சூரிய சக்தி மீது அமெரிக்கா வரி விதித்த நிலையில், சூரிய சக்தி பங்குகள் 14 சதவிகிதம் வரையில் சரிவடைந்துள்ளன.

வரிவிதிப்பால், புதன்கிழமை (பிப். 25) காலையில் வாரீ எனர்ஜிஸ் நிறுவனத்தின் பங்குகள் 14.6 சதவிகிதத்துக்கும், பிரீமியர் எனர்ஜிஸ் நிறுவனத்தின் பங்குகள் 12 சதவிகிதத்துக்கும் அதிகமாக சரிந்தன. மேலும், போரோசில் புதுப்பிக்கத்தக்கவை 1.5 சதவிகிதமும், விக்ரம் சோலார் 7 சதவிகிதமும் சரிந்தன.

உள்நாட்டு உற்பத்தியாளர்களுக்குப் பயனளிக்கும் வகையில் அமெரிக்கா வரி விதித்ததாகக் கூறப்படும் நிலையில், இந்தோனேசியாவுக்கு 86 முதல் 143 சதவிகிதமும், லாவோஸுக்கு 81 சதவிகிதம் வரையிலும் வரி விதிக்கப்பட்டுள்ளது.

2025 ஆம் ஆண்டின் முதல்பாதியில் அமெரிக்காவின் சூரிய சக்தி இறக்குமதியில் இந்தியா, இந்தோனேசியா, லாவோஸ் 57 சதவிகிதம் பங்களித்துள்ளன. 2024-ல் இந்தியாவிலிருந்து 792.6 மில்லியன் டாலருக்கு சூரிய சக்தி இறக்குமதி செய்யப்பட்டுள்ளது. இது 2022 ஆம் ஆண்டைவிட 9 மடங்கு அதிகமாகும்.