ரிலையன்ஸ் நிறுவனம் இந்தியாவின் மிகப் பெரிய ஜவுளி நிறுவனங்களில் ஒன்றான வர்த்தமான் ஜவுளி நிறுவனத்துடன் இணைந்து 'ஆர்- இலான்’ என்ற பிராண்டின் கீழ், பெண்களின் தேவைகளுக்கான ஆடை வகைகள் உட்பட பலவிதமான ஃபேஷன் ஆடைகளை உருவாக்கும் துறையில் கால்பதித்துள்ளது.

இந்நிறுவனம் உருவாக்கும் ஆடைகள் புதிய தொழில்நுட்பங்கள் மற்றும் உற்பத்தி செயல்முறைகளை நடைமுறைப்படுத்தும் வகையில் வடிவமைக்கப்பட்டுள்ளது என ரிலையன்ஸ் தெரிவித்துள்ளது. 

மேலும், புதுமையான உயர்தரமான ஜவுளி தயாரிப்பு முறையால் பெண்களுக்கென பிரத்யேகமான கேஷுவல், ஃபார்மல்ஸ் போன்ற உடைகளை ஆர்-இலான் ஆடைகள் தயாரிக்கவிருக்கின்றன. 

ஆர்-இலான் தயாரிப்புகள் பேஷனுடன் ட்ரெண்டியாக வடிவமைக்கப்பட்டுள்ளது இதன் தனி சிறப்பு. மேலும் இது இளைஞர்களின் விருப்பத் தேர்வாக அமையும் வகையில் லேட்டஸ்ட் ஃபேஷன் உள்ளடக்கி இருக்கும். இதற்காக சுமார் 30 ஆடை வடிவமைப்பு நிறுவனங்களுடன் ரிலையன்ஸ் கைக்கோர்த்துள்ளது. இவை அனைத்தும் ஆர்- இலான் பிராண்டின் கீழ் ஆடைகளை தயாரித்து வழங்கும்.