44-ஆவது அரைசதத்தை கடந்த ஸ்டீவ் ஸ்மித்..! 300 ரன்களுடன் ஆஸி. அதிரடி!

ஆஸ்திரேலிய கேப்டன் ஸ்டீவ் ஸ்மித் தனது 44-ஆவது அரைசதத்தை நிறைவுசெய்து ஆட்டமிழந்தார்.

இங்கிலாந்து அணி ஒரே ஓவரில் 2 விக்கெட்டுகளை எடுத்து அசத்தியது.

பிரிஸ்பேனில் நேற்று (டிச.4) தொடங்கிய இரண்டாவது ஆஷஸ் டெஸ்ட் போட்டியில் இங்கிலாந்து அணி டாஸ் வென்று பேட்டிங் தேர்வு செய்தது.

இங்கிலாந்து முதல் இன்னிங்ஸில் 334-க்கு ஆல் அவுட்டாக ஆஸ்திரேலிய அணி விளையாடி வருகிறது.

ஆஸி. அணி தற்போது 58.3 ஓவரில் 300/5 ரன்களை எடுத்துள்ளது. கேமரூன் கிரீன், ஸ்டீவ் ஸ்மித் ஒரே ஓவரில் ஆட்டமிழந்து சொதப்பினார்கள்.

ஸ்டீவ் ஸ்மித் 10, 557 ரன்களை எடுத்துள்ளார். அதில் 36 சதங்கள், 44 அரைசதங்கள் அடங்கும். சதம் அடிப்பாரென எதிர்பார்க்கப்பட்ட நிலையில் 61 ரன்களில் ஆட்டமிழந்து சொதப்பினார்.