டபிள்யூடிசி இறுதிப் போட்டியின் முதல்நாளில் உணவு இடைவேளை வரை ஆஸ்திரேலிய அணி 4 விக்கெட்டுகளை இழந்து தடுமாறி வருகிறது.

லண்டனில் நடைபெற்றுவரும் டபிள்யூடிசி இறுதிப் போட்டியில் தெ.ஆ. டாஸ் வென்று பந்துவீச்சைத் தேர்வு செய்தது.

முதல்முறையாக தொடக்க வீரராக களமிறங்கியிருக்கும் மார்னஸ் லபுஷேன் 17 ரன்களுக்கு ஆட்டமிழந்தார். அடுத்து வந்த கேமரூன் கிரீன் 4 ரன்களுக்கு ஆட்டமிழந்தார்.

இந்த 2 விக்கெட்டுகளையும் ரபாடா ஒரே ஓவரில் எடுத்தது குறிப்பிடத்தக்கது.

பிஜிடி தொடரில் சொதப்பிய கவாஜா மீண்டும் டக் அவுட்டாகி வெளியேறினார்.

அதிரடி வீரர் டிராவிஸ் ஹெட் 11 ரன்களுக்கு ஆட்டமிழந்தார். மார்கோ யான்சென், ரபாடா தலா 2 விக்கெட்டுகளை எடுத்து அசத்தினார்கள்.

ஆஸி. அணியில் ஸ்டீவ் ஸ்மித் மட்டுமே நிதானமாக விளையாடி வருகிறார். 51 பந்துகளில் 26 ரன்கள் எடுத்துள்ளார்.

முதல் செஷனில் தென்னாப்பிரிக்க அணியின் கையே ஓங்கியுள்ளது.