லக்னெள அணியின் அம்மாவுக்கு மரியாதை!

மே 8 அன்று அன்னையர் தினம் கொண்டாடப்படுகிறது.

இதையொட்டி புதிய அறிவிப்பை வெளியிட்டுள்ளது லக்னெள சூப்பர்ஜயண்ட்ஸ் அணி.

இன்றிரவு 7.30 மணிக்கு லக்னெள - கொல்கத்தா அணிகளுக்கு இடையிலான ஆட்டம் புணேவில் நடைபெறுகிறது. புள்ளிகள் பட்டியலில் லக்னெள அணி 10 ஆட்டங்களில் 14 புள்ளிகளுடன் 2-ம் இடத்திலும் கொல்கத்தா அணி 10 ஆட்டங்களில் 8 புள்ளிகளுடன் 7-ம் இடத்திலும் உள்ளன. 

இந்நிலையில் அன்னையர் தினத்தை முன்னிட்டு இன்றைய ஆட்டத்தில் பங்கேற்கும் லக்னெள வீரர்களின் உடையில் அவரவர் தாயின் பெயர் இடம்பெற்றிருக்கும் என லக்னெள அணி அறிவித்துள்ளது. இதற்கான சீருடைகளின் விடியோவையும் வெளியிட்டுள்ளது.