விராட் கோலி ஃபீல்டிங் செய்யும்போது நடந்துகொள்ளும் விதம் குறித்து அந்த அணியின் கிளன் மேக்ஸ்வெல் நகைச்சுவையாகப் பேசியுள்ளார்.
மைதானத்தில் விராட் கோலி ஃபீல்டிங் செய்வதைப் பார்க்கும்போது வேடிக்கையாக இருக்கும் எனவும் அவர் தெரிவித்துள்ளார்.
இது தொடர்பாக அவர் பேசியதாவது: விராட் கோலி மைதானத்தில் சிறிய குழந்தையைப் போல இருக்கிறார். அவர் ஃபீல்டிங் செய்வதைப் பார்க்கும்போது வேடிக்கையாக இருக்கிறது. நம்முடைய வயதுடைய ஒருவர் இப்படி குழந்தை போல நடந்து கொள்வதைப் பார்க்கும்போது, நீங்கள் குழந்தை கிடையாது என்பதை அவருக்கு நான் ஞாபகப்படுத்த வேண்டியிருக்கிறது எனத் தோன்றும். நான் அப்படி கூறினால் அது நன்றாக இருக்காது. அவர் எப்போதும் உற்சாகமாக இருப்பார். அவர் மைதானத்தில் பெங்களூரு வீரர்களுடன் மிகுந்த உற்சாகமாக ஓடியாடி தனது மகிழ்ச்சியை பகிர்ந்து கொள்வார் என்றார்.