காயம் காரணமாக நடப்பு ஐபிஎல் தொடரிலிருந்து விலகிய மிட்செல் மார்ஷுக்குப் பதிலாக தில்லி கேப்பிடல்ஸ் மாற்று வீரரை அறிவித்துள்ளது.

ஆப்கானிஸ்தான் அணியின் ஆல்ரவுண்டர்களில் ஒருவரான குல்பதின் நயீப் மாற்று வீரராக தில்லி கேப்பிடல்ஸ் அணியில் சேர்க்கப்பட்டுள்ளார். அவர் ரூ.50 லட்சத்துக்கு தில்லி அணியால் ஒப்பந்தம் செய்யப்பட்டுள்ளார்.

குல்பதின் நயீப் ஆப்கானிஸ்தான் அணிக்காக 82 ஒருநாள் போட்டிகள் மற்றும் 65 டி20 போட்டிகளில் விளையாடியுள்ளார். ஐபிஎல் தொடரில் அவர் முதல் முறையாக விளையாடவுள்ளார்.

நடப்பு ஐபிஎல் தொடரில் இதுவரை 9 போட்டிகளில் விளையாடியுள்ள தில்லி கேப்பிடல்ஸ் 4 போட்டிகளில் வெற்றி பெற்று புள்ளிப்பட்டியலில் 6-வது இடத்தில் உள்ளது குறிப்பிடத்தக்கது.