ஒருநாள், டி20 தொடர்களில் இந்தியாவுக்கு எதிராக விளையாடவுள்ள ஆஸ்திரேலிய அணியில் வேகப்பந்து வீச்சாளர் ஆண்ட்ரூ டை சேர்க்கப்பட்டுள்ளார்.

ஆஸ்திரேலிய சுற்றுப்பயணம் மேற்கொண்டுள்ள இந்திய அணி, ஆஸ்திரேலியாவுடன் டெஸ்ட், ஒருநாள், டி20 தொடா்களில் விளையாடவுள்ளது. ஒருநாள் தொடர் நவம்பர் 27-லிலும் டி20 தொடர் டிசம்பர் 4-லிலும் டெஸ்ட் தொடர் டிசம்பர் 17-லிலும் தொடங்குகின்றன.

ஆண் குழந்தைக்குத் தந்தையாகியிருப்பதால் இத்தருணத்தில் மனைவிக்குத் துணையாக இருப்பதற்காக ஒருநாள், டி20 தொடர்களிலிருந்து ஆஸி. வேகப்பந்து வீச்சாளர் கேன் ரிச்சர்ட்சன் விலகியுள்ளார். இதையடுத்து மற்றொரு வேகப்பந்து வீச்சாளர் ஆண்ட்ரூ டை அணியில் இடம்பிடித்துள்ளார்.

ஆஸ்திரேலிய அணிக்காக 7 ஒருநாள், 26 டி20 ஆட்டங்களில் டை விளையாடியுள்ளார்.