ஸ்டார் ஸ்போர்ட்ஸ் தொகுப்பாளர் சஞ்சனா கணேசனை கிரிக்கெட் வீரர் பும்ரா திருமணம் செய்யவுள்ளதாகத் தகவல்கள் வெளியாகியுள்ளன.
சொந்தக் காரணங்களுக்காக இங்கிலாந்துக்கு எதிரான 4-வது டெஸ்டில் பும்ரா பங்கேற்கவில்லை. அடுத்து நடைபெறவுள்ள டி20 தொடரில் அவர் இடம்பெறவில்லை. பும்ராவுக்கு விரைவில் திருமணம் நடைபெறவுள்ளதாகத் தெரிகிறது.
ஆரம்பத்தில் நடிகை அனுபமா பரமேஸ்வரனை பும்ரா திருமணம் செய்யவுள்ளதாகத் தகவல்கள் வெளியாகின. எனினும் அனுபமாவின் தாயார் சுனிதா ஒரு பேட்டியில் இதனை மறுத்தார். இந்நிலையில் ஸ்டார் ஸ்போர்ட்ஸ் தொகுப்பாளர் சஞ்சனா கணேசனை பும்ரா இந்த வார இறுதியில் திருமணம் செய்யவுள்ளதாகப் புதிய தகவல்கள் வெளியாகியுள்ளன.
ஸ்டார் ஸ்போர்ட்ஸ் தொகுப்பாளராக மட்டுமல்லாமல் கொல்கத்தா நைட்ரைடர்ஸ் ஐபிஎல் அணியின் தொகுப்பாளராகவும் சஞ்சனா கணேசன் பணியாற்றி வருகிறார்.
பும்ரா - சஞ்சனா கணேசன் திருமணம் கோவாவில் மார்ச் 14-15 தேதிகளில் நடைபெறுவதாகத் தகவல்கள் வெளியாகியுள்ள நிலையில் இதுதொடர்பாக பும்ரா, சஞ்சனா கணேசன் ஆகிய இருவரும் இதுவரை கருத்து எதுவும் தெரிவிக்கவில்லை.
பும்ராவை சஞ்சனா கணேசன் பேட்டியெடுத்தபோது:
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.