2022-ம் வருடம் பாகிஸ்தானுக்குச் சென்று மூன்று டெஸ்டுகள், மூன்று ஒருநாள் ஆட்டங்கள் மற்றும் ஒரு டி20 ஆட்டத்தில் விளையாடுகிறது ஆஸ்திரேலிய அணி. இதற்கான அதிகாரபூர்வ அறிவிப்பு இன்று வெளியாகியுள்ளது.

டெஸ்ட் தொடர் மார்ச் 3 அன்று தொடங்கி மார்ச் 25-ல் முடிவடைகிறது. கராச்சி, ராவல்பிண்டி, லாகூரில் டெஸ்ட் ஆட்டங்கள் நடைபெறுகின்றன. ஒருநாள், டி20 தொடர்கள் லாகூரில் நடைபெறுகின்றன. மார்ச் 29-ல் தொடங்கும் ஒருநாள் தொடர், ஏப்ரல் 2-ல் முடிவடைகிறது. டி20 ஆட்டம் ஏப்ரல் 5-ல் நடைபெறுகிறது.

1998-க்குப் பிறகு பாகிஸ்தானுக்கு மீண்டும் சுற்றுப்பயணம் செய்கிறது ஆஸ்திரேலிய அணி. 24 வருடங்கள் கழித்து ஆஸ்திரேலிய அணி பாகிஸ்தானுக்குச் செல்வதால் இந்தத் தொடர் குறித்து எதிர்பார்ப்பு உருவாகியுள்ளது.