சிட்னி டெஸ்ட்: 358 ரன்கள் இங்கிலாந்தின் வெற்றிக்கு தேவை: உஸ்மான் கவஜா 101

ஆஷஸ் தொடரின் நான்காவது ஆட்டமான சிட்னி டெஸ்டில் இங்கிலாந்து அணி வெற்றி பெற 358 ரன்கள் எடுக்க வேண்டிய நிலைக்கு தள்ளப்பட்டுள்ளது.

ஆஸ்திரேலியா-இங்கிலாந்து அணிகளுக்கு இடையிலான பாரம்பரிய ஆஷஸ் டெஸ்ட் தொடா் ஆஸியில் நடைபெற்று வருகிறது.

முதல் மூன்று ஆட்டங்களில் 3-0 என வென்று தொடரையும் கைப்பற்றி விட்டது ஆஸ்திரேலிய அணி. இதன் தொடா்ச்சியாக சிட்னி எஸ்சிஜி மைதானத்தில் நான்காவது டெஸ்ட் ஆட்டம் நடைபெற்று வருகிறது.

ஆஸி. 416/8, இங்கிலாந்து 294/10:

ஆஸி. அணி முதல் இன்னிங்ஸில் 416/8 ரன்களைக் குவித்தது. உஸ்மான் கவஜா அதிரடியாக ஆடி 137 ரன்களையும், ஸ்டீவ் ஸ்மித் 67 ரன்களையும் சோ்த்தனா். இங்கிலாந்து தரப்பில் பிராட் 5 விக்கெட்டுகளை வீழ்த்தினாா்.

இங்கிலாந்து அணி தனது முதல் இன்னிங்ஸில் 294 ரன்களுக்கு ஆல் அவுட்டானது. போ்ஸ்டோ 113, ஸ்டோக்ஸ் 66 ரன்களை எடுத்தனா். ஆஸி. தரப்பில் போலண்ட் 4 விக்கெட்டுகளை சாய்த்தாா்.

இரண்டாவது இன்னிங்ஸ் ஆஸி. 265/6 டிக்ளோ்:

இதன் தொடா்ச்சியாக ஆடிய ஆஸி. அணி நான்காம் நாளான சனிக்கிழமை இரண்டாவது இன்னிங்ஸில் 68.5 ஓவா்களில் 265/6 ரன்களை எடுத்து டிக்ளோ் செய்தது. முதல் இன்னிங்ஸில் சதமடித்த உஸ்மான் கவஜா இதிலும் 101 ரன்களுடன் அவுட்டாகாமல் களத்தில் இருந்தாா். கிரீன் 74 ரன்களை விளாசினாா். இங்கிலாந்து தரப்பில் ஜேக் லீச் 4 விக்கெட்டுகளை வீழ்த்தினாா். உஸ்மான்-கிரீன் இணைந்து 5-ஆம் விக்கெட்டுக்கு 179 ரன்களைக் குவித்தனா்.

388 ரன்கள் வெற்றி இலக்கு:

இங்கிலாந்து அணிக்கு வெற்றி இலக்காக 388 ரன்களை நிா்ணயித்தது ஆஸ்திரேலியா. சனிக்கிழமை ஆட்ட நேர முடிவில் இங்கிலாந்து அணி விக்கெட் இழப்பின்றி 11 ஓவா்களில் 30 ரன்களை சோ்த்திருந்தது. ஸாக் கிராலி 22, ஹஸிப் ஹமீத் 8 ரன்களுடன் களத்தில் உள்ளனா்.

ஞாயிற்றுக்கிழமை ஒரே நாள் ஆட்டம் மீதமுள்ள நிலையில், இங்கிலாந்து அணி 358 ரன்கள் எடுத்தால் வெற்றி பெறலாம் என்ற நிலையில் உள்ளது.

ஏற்கெனவே 3 ஆட்டங்களில் தோற்றுள்ள இங்கிலாந்து சிட்னி டெஸ்டில் வெல்ல போராடும் எனத்தெரிகிறது.

இறுதி மற்றும் 5-ஆவது ஆட்டம் ஹோபா்ட்டின் பிளண்ட்ஸ்டோன் மைதானத்தில் வரும் 14-ஆம் தேதி பகலிரவு டெஸ்ட்டாக நடைபெறுகிறது.