இலங்கைக்கு எதிரான முதல் ஒருநாள் ஆட்டத்தை 2 விக்கெட் வித்தியாசத்தில் ஆஸ்திரேலியா வென்றுள்ளது.

பல்லேகலேவில் நடைபெற்ற முதல் ஒருநாள் ஆட்டத்தில் முதலில் பேட்டிங் செய்த இலங்கை அணி, 50 ஓவர்களில் 7 விக்கெட் இழப்புக்கு 300 ரன்கள் எடுத்தது. குசால் மெண்டிஸ் 86 ரன்கள் எடுத்தார். இதன்பிறகு மழை காரணமாக ஆஸ்திரேலியாவுக்கு 44 ஓவர்களில் 282 ரன்கள் இலக்கு நிர்ணயிக்கப்பட்டது. ஆஸி. அணி, 42.3 ஓவர்களில் 8 விக்கெட் இழப்புக்கு 282 ரன்கள் எடுத்து வெற்றி பெற்றது. மேக்ஸ்வெல் 51 பந்துகளில் 6 சிக்ஸர்கள், 6 பவுண்டரிகளுடன் 80 ரன்கள் எடுத்து ஆட்டமிழக்காமல் இருந்தார். 

5 ஆட்டங்கள் கொண்ட ஒருநாள் தொடரில் ஆஸ்திரேலிய அணி 1-0 என முன்னிலை பெற்றுள்ளது. 2-வது ஒருநாள் ஆட்டம் நாளை நடைபெறவுள்ளது.