விஜய் பிறந்த நாளை முன்னிட்டு ஜூன் 21ஆம் தேதி ‘தளபதி 66' படத்தின் ஃபர்ஸ்ட் லுக் போஸ்டர் வெளியிடப்படும் என்று படக்குழு அறிவித்துள்ளது.

பீஸ்ட் திரைப்படத்தை தொடர்ந்து நடிகர் விஜய் தற்போது தெலுங்கு இயக்குநர் வம்சி இயக்கும் படத்தில் நடிக்கிறார். குடும்ப உறவுகளை மையமாகக் கொண்டு உருவாகி வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது. படத்தில் விஜய்க்கு ஜோடியாக முதல்முறையாக ராஷ்மிகா மந்தனா நடிக்கிறார். தமன் இசையமைக்கிறார். 

இதையும் படிக்க- புதுச்சேரியில் ரசிகர்களுடன் சுயபடம் எடுத்துக்கொண்ட இயக்குநர் ஹரி, அருண் விஜய் 

மேலும படத்தில் சரத்குமார், பிரபு, ஜெய சுதா, ஸ்ரீகாந்த், ஷாம், யோகிபாபு, பிரகாஷ் ராஜ், குஷ்பு, சங்கீதா, சம்யுக்தா உள்ளிட்டோர் முக்கிய வேடங்களில் நடித்து வருகின்றனர். மகேஷ் பாபுவும் இந்தப் படத்தில் சிறப்பு வேடத்தில் நடிக்கவிருப்பதாக கூறப்படுகிறது. படத்துக்கு வாரிசு அல்லது வெறித்தனம் எனப் பெயரிடப்பட்டுள்ளதாக தகவல் பரவி வருகிறது. 

இந்த நிலையில் விஜய் பிறந்த நாளை முன்னிட்டு ஜூன் 21ஆம் தேதி மாலை 6.01 மணிக்கு ‘தளபதி 66' படத்தின் ஃபர்ஸ்ட் லுக் போஸ்டர் வெளியிடப்படும் என்று படக்குழு அறிவித்துள்ளது.