டி20 தொடரில் அதிக சிக்ஸர்களை அடித்த வீரர் யார்?

இந்தியா - தென்னாப்பிரிக்கா அணிகளுக்கு இடையிலான டி20 தொடரில் தொடக்க வீரர் இஷான் கிஷன் அதிக சிக்ஸர்களை அடித்துள்ளார்.

தென்னாப்பிரிக்காவுக்கு எதிரான 4-வது டி20 ஆட்டத்தில் இந்தியா 82 ரன்கள் வித்தியாசத்தில் வெற்றி பெற்றது. 5-வது டி20 ஆட்டம் பெங்களூரில் நேற்று நடைபெற்றது. இந்திய அணி முதலில் பேட்டிங் செய்து 3.3 ஓவர்களில் 2 விக்கெட் இழப்புக்கு 28 ரன்கள் எடுத்த நிலையில் மழை காரணமாக ஆட்டம் தடைபட்டது. மழை தொடர்ந்து பெய்ததால் ஆட்டம் கைவிடப்பட்டது.  டி20 தொடர் 2-2 என சமனில் முடிந்தது. தொடர் நாயகன் விருதை இந்திய வேகப் பந்துவீச்சாளர் புவனேஸ்வர் குமார் வென்றுள்ளார். அவர் 6 விக்கெட்டுகள் எடுத்தார். 

இந்தத் தொடரில் அதிக சிக்ஸர்களை அடித்த வீரர்களின் பட்டியலில் இந்திய இளம் வீரர் இஷான் கிஷன் முதலிடத்தில் உள்ளார்.

டி20 தொடர்: அதிக சிக்ஸர்களை அடித்த வீரர்கள்

இஷான் கிஷன் - 11
மில்லர், ஸ்ரேயஸ் ஐயர் - 7
கிளாசென், பாண்டியா - 6