இந்தியாவுக்கு எதிரான டி20 தொடரில் இருந்து தென்னாப்பிரிக்க வேகப் பந்துவீச்சாளர் காயம் காரணமாக விலகியுள்ளார்.

இந்திய அணி தென்னாப்பிரிக்காவுக்கு சுற்றுப்பயணம் மேற்கொண்டுள்ளது. இரு அணிகளும் 3 டி20, 3 ஒருநாள் மற்றும் 2 டெஸ்ட் போட்டிகளில் விளையாடவுள்ளன. இரு அணிகளுக்கும் இடையிலான டி20 தொடர் நாளை (டிசம்பர் 10) தொடங்கவுள்ள நிலையில், தென்னாப்பிரிக்க வேகப் பந்துவீச்சாளர் லுங்கி இங்கிடி காயம் காரணமாக டி20 தொடரிலிருந்து விலகியுள்ளார். 

இது தொடர்பாக தென்னாப்பிரிக்க கிரிக்கெட் வாரியம் சார்பில் தெரிவித்திருப்பதாவது: தென்னாப்பிரிக்க அணியின் வேகப் பந்துவீச்சாளர் இந்தியாவுக்கு எதிரான டி20 தொடருக்கான தென்னாப்பிரிக்க அணியிலிருந்து காயம் காரணமாக விலகியுள்ளார். அவரது உடல்நிலை குறித்து  தென்னாப்பிரிக்க அணியின் மருத்துவக் குழுவினர் அவரை தொடர்ச்சியாக கண்காணித்து வருகின்றனர் எனத் தெரிவிக்கப்பட்டுள்ளது.

இதையும் படிக்க: தென்னாப்பிரிக்க ஆடுகளங்களில் சிறப்பாக செயல்பட பயிற்சி தேவை: ரிங்கு சிங்

லுங்கி இங்கிடிக்குப் பதிலாக தென்னாப்பிரிக்க அணியின் இடதுகை வேகப் பந்துவீச்சாளரான பியூரன் ஹென்ரிக்ஸ் அணியில் சேர்க்கப்பட்டுள்ளார். தென்னாப்பிரிக்க அணிக்காக 19 டி20 போட்டிகளில் விளையாடியுள்ள ஹென்ரிக்ஸ் 25 விக்கெட்டுகளைக் கைப்பற்றியுள்ளது குறிப்பிடத்தக்கது.