சிட்னியில் புதன்கிழமை தொடங்கிய இந்த டெஸ்ட்டில் டாஸ் வென்ற பாகிஸ்தான் பேட்டிங்கை தோ்வு செய்தது. ஆஸ்திரேலியாவுக்கு எதிரான 3-ஆவது மற்றும் கடைசி டெஸ்ட்டில் பாகிஸ்தான் முதல் இன்னிங்ஸில் 313 ரன்களுக்கு ஆட்டமிழந்தது.

அடுத்து ஆடிய ஆஸி. 299 ரன்களுக்கு ஆல் அவுட்டானது. 2வது இன்னிங்ஸை தொடங்கிய பாகிஸ்தான் அணி வீரர்கள் சொற்ப ரன்களில் ஆட்டமிழக்க தொடங்கினார்கள். 

இதையும் படிக்க: பேட்டிங்கில் 82 ரன்கள், பௌலிங்கில் 6 விக்கெட்டுகள்: அசத்தும் இளம் பாகிஸ்தான் வீரர்!

3ஆம் நாள் முடிவில் 26 ஓவரில் 68 ரன்களுக்கு 7 விக்கெட்டுகளை இழந்து தடுமாறி வருகிறது பாகிஸ்தான். ஆஸ்திரேலியாவின் சார்பில் ஜோஸ் ஹேசில்வுட் 4 விக்கெட்டுகளை எடுத்து அசத்தினார். 

ஒரே ஓவரில் 3 விக்கெட்டுகளை எடுத்து ஜோஸ் ஹேசில்வுட் அசத்தினார். W 0 W 0 W 0 என ஒரே ஓவரில் முக்கியமான 3 விக்கெட்டுகளை எடுத்து ஆட்டத்தினை மாற்றினார். 

இதையும் படிக்க: ஓய்வு பெறும் டீன் எல்கருக்கு பரிசளித்த விராட் கோலி, ரோஹித் சர்மா!

ரிஸ்வான் 6 ரன்கள், ஆமீர் ஜமால் ரன்னேதுமின்றி களத்தில் இருக்கிறார்கள். 82 ரன்கள் முன்னிலையில் இருக்கிறார்கள். நாளை இந்தப் போட்டி முடிவுக்கு வந்துவிடுமென எதிர்பார்க்கப்படுகிறது. 

எப்படி இருப்பினும் ஏற்கனவே 2-0 என தொடரினை ஆஸ்திரேலியா கைப்பற்றியுள்ளது குறிப்பிடத்தக்கது. பாகிஸ்தானுக்கு ஆறுதல் வெற்றி கிடைக்குமா என ரசிகர்கள் ஆவலுடன் காத்திருக்கிறார்கள்.