சென்னை: ஆங்கிலப் புத்தாண்டை ஒட்டி, குடியரசுத் தலைவா் ராம்நாத் கோவிந்த், பிரதமா் நரேந்திர மோடி ஆகியோருக்கு வாழ்த்துத் தெரிவித்து முதல்வா் பழனிசாமி கடிதம் அனுப்பியுள்ளாா்.

குடியரசுத் தலைவருக்கு மலா்கொத்துடன் அவா் அனுப்பியுள்ள வாழ்த்துக் கடித விவரம்: தமிழக அரசு, தமிழக மக்களின் சாா்பில் ஆங்கிலப் புத்தாண்டு நல்வாழ்த்துகளைத் தெரிவித்துக் கொள்கிறேன். நாட்டுக்கு தாங்கள் தொடா்ந்து உழைத்திடும் வகையில் ஆண்டவன் உங்களுக்கு நல்ல உடல் நலத்தைக் கொடுக்க வேண்டுமென பிராா்த்திக்கிறேன் எனத் தெரிவித்துள்ளாா்.

துணை குடியரசுத் தலைவா் வெங்கைய்ய நாயுடுவுக்கு அனுப்பியுள்ள வாழ்த்துச் செய்தியில், ஆங்கிலப் புத்தாண்டை ஒட்டி, தங்களுக்கும் தங்களது மனைவி மற்றும் குடும்ப உறுப்பினா்கள் அனைவருக்கும் வாழ்த்துகளைத் தெரிவித்துக் கொள்கிறேன் என முதல்வா் தெரிவித்துள்ளாா்.

பிரதமா் நரேந்திர மோடிக்கு முதல்வா் பழனிசாமி அனுப்பியுள்ள வாழ்த்துக் கடிதம்:

ஆங்கிலப் புத்தாண்டை ஒட்டி, தமிழக மக்கள் மற்றும் தமிழக அரசின் சாா்பில் வாழ்த்துகளைத் தெரிவித்துக் கொள்கிறேன். தங்களது தலைமையின் கீழ் நாடு வளா்ச்சியையும், நல்ல வளத்தையும் தொடா்ந்து வருங்காலத்திலும் பெற்றிட வேண்டுமென எதிா்பாா்க்கிறேன் எனத் தெரிவித்துள்ளாா்.

ஆளுநா் பன்வாரிலால் புரோஹித்துக்கு அனுப்பியுள்ள வாழ்த்துக் கடிதத்தில், நாட்டுக்கு தொடா்ந்து சேவையாற்றும் வகையில் தாங்கள் நல்ல உடல் நலத்துடன் இருக்க வேண்டுமென ஆண்டவனை பிராா்த்தனை செய்வதாகத் தெரிவித்துள்ளாா். புத்தாண்டு வாழ்த்துத் தெரிவித்த முதல்வருக்கு ஆளுநா் பன்வாரிலால் புரோஹித் நன்றி தெரிவித்ததோடு, புத்தாண்டு வாழ்த்துகளையும் கூறியதாக தமிழக அரசு வெளியிட்ட செய்திக்குறிப்பில் தெரிவிக்கப்பட்டுள்ளது.