காங்கிரஸ் கட்சியில் நடிகை குஷ்புவின் பதவி பறிப்பு

காங்கிரஸ் கட்சியின் தேசியச் செய்திதொடர்பாளர் பதவியில் இருந்து குஷ்பு நீக்கப்பட்டுள்ளார். 

சமீப காலமாகவே குஷ்பு காங்கிரஸ் மீது அதிருப்தியில் இருந்து வந்தாக கூறப்படுகிறது. இதனால் அவர் காங்கிரஸ் கட்சியில் இருந்து விலகி விரைவில் பாஜகவில் இணைவார் எனத் தகவல் வெளியானது. ஆனால் இந்த தகவலை அவர் தொடர்ந்து மறுத்து வந்தார். 

இந்தநிலையில் காங்கிரஸ் கட்சியின் தேசியச் செய்திதொடர்பாளர் பதவியில் இருந்து குஷ்பு நீக்கப்பட்டுள்ளார். இதற்கான அறிவிப்பை காங்கிரஸ் தகவல் தொடர்பு பிரிவு பொறுப்பாளர் பிரணவ் ஜா வெளியிட்டுள்ளார்.

குஷ்பு இன்று பாஜகவில் இணைய உள்ளதாக தகவல் வெளியாகி இருக்கும் நிலையில் அவர் காங்கிரஸ் கட்சியில் இருந்து அதிரடியாக நீக்கப்பட்டுள்ளார்.