பாஜக நிர்வாகிகளுடன் 3 நாள்கள் அண்ணாமலை ஆலோசனை
பாஜக நிர்வாகிகளுடன் நாளை முதல் 3 நாள்கள் மாநிலத் தலைவர் அண்ணாமலை ஆலோசனை நடத்துகிறார்.
பாஜக நிர்வாகிகளுடன் நாளை முதல் 3 நாள்கள் மாநிலத் தலைவர் அண்ணாமலை ஆலோசனை நடத்துகிறார். பாஜகவின் அனைத்து அணிகள், பிரிவு நிர்வாகிகளுடன் சென்னை கமலாலயத்தில் இந்த ஆலோசனை நடக்கிறது.
முன்னதாக, பாஜகவில் சமீபத்தில் இணைந்த பத்திரிகையாளர் ஒருவரின் யூடியூப் சேனலில், பெண்கள் தொடர்பான கே.டி. ராகவனின் சர்ச்சைக்குரிய காணொலி செவ்வாய்க்கிழமை காலை வெளியிடப்பட்டது.
இது தமிகத்தில் பெரும் அதிர்வலையை ஏற்படுத்தியது. மேலும் அந்த விடியோவில், அண்ணாமலைக்குத் தெரிந்துதான் கே.டி. ராகவன் காணொலி வெளியிடப்படுகிறது என அவர் குறிப்பிட்டிருந்தார். ஆனால், கே.டி. ராகவனின் பெண்கள் தொடர்பான சர்ச்சை விடியோவை யூடியூபர் தன்னிடம் காட்டவில்லை, தான் பார்க்கவில்லை என அண்ணாமலை தெரிவித்திருந்தார்.
தொடர்ந்து, விடியோவை வெளியிட்ட யூடியூபர் கட்சியின் அடிப்படை உறுப்பினர் பதவியிலிருந்து நீக்கப்பட்டார். பின்னர், விடியோ வெளியிட்ட அவரின் சேனலையும் யூடியூப் நிறுவனம் முடக்கியது. இந்த நிலையில் பாஜக நிர்வாகிகளுடன் அண்ணாமலை ஆலோசனை நடத்துவது குறிப்பிடத்தக்கது.