சங்ககிரி நகரில்  பெட்ரோல் விலை ரூ.100-ஐத் தாண்டியது

சங்ககிரி: சேலம் மாவட்டம், சங்ககிரி நகரில் செவ்வாய்க்கிழமை பெட்ரோல் விலை ரூ.100.23 காசுகளாக அதிகரித்துள்ளது. 

இவ்விலை உயர்வு நடுத்தர மக்களை மிகுந்த கவலையில் ஆழ்த்தியுள்ளது. மத்திய, மாநில அரசுகள் பெட்ரோல் விலையை குறைக்க நடவடிக்கை எடுக்க வேண்டுமென பொதுமக்கள் கோரிக்கை வைத்துள்ளனர். 

சங்ககிரி நகர் பகுதியில் நிகழாண்டு ஜூன் 1ம் தேதி பெட்ரோல் விலை ரூ.96.42 ஆக இருந்தது. அதன்பிறகு தொடர்ந்து விலை உயர்வு கண்டு வருகிறது. இன்று 0.31காசுகள் விலை அதிகரித்து பெட்ரோல் விலை ரூ.100.23 காசுகளாக  உயர்ந்துள்ளது.

அதாவது, ஜூன் மாதம் 1ம் தேதி முதல் 29ம் தேதி வரை மொத்தம் ரூ.3.81 காசுகள் அதிகரித்து இன்றைய பெட்ரோல் விலை சங்ககிரி நகரில் ரூ.100.23க்கு விற்பனை செய்யப்பட்டது. 

தொடர்ந்து பெட்ரோல் விலை அதிகரிப்பால்  தனியார் நிறுவன ஊழியர்கள் இரு சக்கர வாகனத்தில்  கூலி வேலைக்கு செல்பவர்கள் பெரிதும் சிரமத்திற்குள்ளாகியுள்ளனர். 

எனவே மத்திய, மாநில அரசுகள் பெட்ரோல் விலையை குறைக்க நடவடிக்கை எடுக்க வேண்டுமென பொதுமக்கள் கோரிக்கை விடுத்துள்ளனர்.