அதிமுக முன்னாள் சட்டப்பேரவை உறுப்பினரான ஆறுகுட்டி மு.க.ஸ்டாலின் முன்னிலையில் திமுக இணைந்தார். 

தமிழ்நாடு முதல்வரும், திமுக தலைவருமான மு.க.ஸ்டாலின் 3 நாள் சுற்றுப்பயணமாக கோவை, திருப்பூர், ஈரோடு மாவட்டங்களுக்கு சுற்றுப்பயணம் மேற்கொண்டுள்ளார். இந்நிலையில் புதன்கிழமை மாலை பொள்ளாச்சியில் மாற்றுக் கட்சியைச் சேர்ந்த பலர் திமுகவில் இணையும் நிகழ்வு நடைபெற்றது. 

இதையும் படிக்க | பணியிடங்களில் பெண்களின் பிரச்னைகளுக்கு ஒரே தீர்வு.. பினராயி விஜயன் 

இதில் அதிமுக முன்னாள் சட்டப்பேரவை உறுப்பினரான ஆறுகுட்டி மு.க.ஸ்டாலின் முன்னிலையில் தன்னை திமுகவில் இணைத்துக் கொண்டார்.

2011ஆம் ஆண்டு கோவை கவுண்டம்பாளையும் தொகுதியில் அதிமுக சார்பில் போட்டியிட்டு சட்டப்பேரவை உறுப்பினராக தேர்ந்தெடுக்கப்பட்ட ஆறுகுட்டி அதனைத் தொடர்ந்து 2016ஆம் ஆண்டு மீண்டும் வெற்றி பெற்று இரண்டாவது முறையாக சட்டப்பேரவை உறுப்பினரானார் என்பது குறிப்பிடத்தக்கது.