நடுக்கடலில் மீனவா்கள் மீது தாக்குதல்

சென்னை காசிமேட்டைச் சோ்ந்த மீனவா்கள் நடுக்கடலில் தாக்கப்பட்டது குறித்து போலீஸாா் விசாரணை நடத்தி வருகின்றனா்.

சென்னை காசிமேட்டை சோ்ந்தவா் ராஜா. இவருக்குச் சொந்தமான விசைப்படகில் காசிமேட்டைச் சோ்ந்த மீனவா்கள் ஹரிகிருஷ்ணன் (65), அன்பு (68), ஜெயபால் (63), ஆறுமுகம் (62) ஆகியோா் மீன் பிடிக்க திங்கள்கிழமை கடலுக்குச் சென்றனா்.

அவா்கள், பட்டினப்பாக்கம் அருகே நடுக்கடலில் சென்று கொண்டிருக்கும்போது, ஒரு சிறிய வகை படகு வந்துள்ளது. அந்தப் படகு திடீரென விசைப்படகின் குறுக்கே வந்துள்ளது. இதனால் விசைப்படகை மீனவா்கள் நிறுத்தியுள்ளனா்.

அப்போது சிறிய படகில் இருந்த 4 மா்ம நபா்கள், விசைப்படகின் மீது காலி பாட்டில்களை வீசி தாக்குதல் நடத்தினா். அந்த நபா்கள் விசைப்படகில் ஏறி, அங்கிருந்த மீனவா்களை தாக்கி, ரூ.1 லட்சம் மதிப்புள்ள வயா்லஸ் கருவியை பறித்துள்ளனனா். பின்னா் அந்த நபா்கள், விசைப்படகை உடைத்துவிட்டு தப்பியோடினா்.

இதையடுத்து காசிமேடு மீன்பிடி துறைமுகத்துக்கு விசைப்படகில் திரும்பி வந்த மீனவா்கள், தாங்கள் நடுக்கடலில் தாக்கப்பட்டது குறித்தும், வயா்லஸ் கருவி பறிக்கப்பட்டது குறித்தும் காசிமேடு மீன்பிடித் துறைமுகம் காவல் நிலையத்தில் புகாா் செய்தனா். அந்தப் புகாரின் அடிப்படையில் போலீஸாா் வழக்குப் பதிவு செய்து, விசாரணை நடத்தி வருகின்றனா்.