தமிழகத்தில் 2,485 பேருக்கு டெங்கு பாதிப்பு: அமைச்சா் மா.சுப்பிரமணியன்

தமிழகத்தில் நிகழாண்டில் 2,485 போ் டெங்கு காய்ச்சலால் பாதிக்கப்பட்டிருப்பதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

தேசிய டெங்கு தடுப்பு தினத்தையொட்டி, சென்னை ஓமந்தூராா் பல்நோக்கு உயா் சிறப்பு மருத்துவமனையில் கொசு ஒழிப்பு புகை வாகனங்களை மக்கள் நல்வாழ்வுத் துறை அமைச்சா் மா.சுப்பிரமணியன், இந்து அறநிலையத் துறை அமைச்சா் பி.கே.சேகா்பாபு ஆகியோா் திங்கள்கிழமை கொடியசைத்துத் தொடக்கி வைத்தனா்.

தொடா்ந்து, தேசிய டெங்கு தடுப்பு தின உறுதிமொழியை ஏற்று, விழிப்புணா்வு கண்காட்சியைப் பாா்வையிட்டு, டெங்கு தடுப்புப் பணியில் ஈடுபட்ட முன் களப்பணியாளா்களுக்கு விருதுகள் வழங்கினா்.

பின்னா், அமைச்சா் மா.சுப்பிரமணியன் செய்தியாளா்களிடம் கூறியதாவது:

மக்கள் நல்வாழ்வுத் துறை மற்றும் உள்ளாட்சி அமைப்புகள் பல்வேறு துறைகளுடன் ஒருங்கிணைந்து மேற்கொண்ட தொடா் நடவடிக்கைகள் காரணமாக தமிழகத்தில் டெங்கு முழுமையாக கட்டுப்படுத்தப்பட்டுள்ளது.

காய்ச்சல் பாதிக்கப்பட்ட இடங்களில் சிறப்பு மருத்துவ முகாம்கள் நடத்தப்பட்டு, நடமாடும் மருத்துவக் குழுக்கள் காய்ச்சல் பாதிக்கப்பட்ட இடங்களுக்கே சென்று உடனடி சிகிச்சை அளித்து வருகின்றன. ‘எலிசா’ முறையில் டெங்கு காய்ச்சலை கண்டறிவதற்கான பரிசோதனை மையங்கள் 125-ஆக தற்போது உயா்த்தப்பட்டுள்ளது. அதுமட்டுமல்லாது, 21,000 களப்பணியாளா்கள் வீடு, வீடாகச் சென்று கொசு ஒழிப்புப் பணிகளை செய்து வருகின்றனா்.

தேசிய டெங்கு விழிப்புணா்வு நாள் கூட்டத்தையொட்டி ஏடிஸ் கொசுக்கள் உற்பத்தியாகும் இடங்கள், அவற்றை தடுப்பது ஆகியவை குறித்து விரிவாக விளக்கும் வகையில் கண்காட்சியும் ஓமந்தூராா் மருத்துவமனையில் ஏற்பாடு செய்யப்பட்டுள்ளது.

கடந்த ஆட்சியில் 2020-ஆம் ஆண்டு டெங்கு காய்ச்சலுக்கான பரிசோதனைகள் 42,311 என்கிற குறைந்த அளவில் மேற்கொள்ளப்பட்டு 2,400 பேருக்கு டெங்கு காய்ச்சல் உறுதிசெய்யப்பட்டது. ஆனால், திமுக ஆட்சி பொறுப்பேற்றவுடன் 2021-இல் பரிசோதனைகள் தீவிரப்படுத்தப்பட்டன. அதன்படி, கடந்த ஆண்டு ஒரு லட்சத்து 73,199 பரிசோதனைகள் செய்யப்பட்டு 6,039 பேருக்கு டெங்கு உறுதிசெய்யப்பட்டது.

நிகழாண்டில் 2 லட்சம் பரிசோதனைகள் இலக்கு நிா்ணயித்து 5 மாதங்களில் 66,747 பரிசோதனைகள் மேற்கொள்ளப்பட்டதில், இதுவரை 2,485 பேருக்கு டெங்கு காய்ச்சல் கண்டறியப்பட்டுள்ளது. அனைவருக்கும் ஆரம்ப நிலையிலேயே கண்டறிந்து சிகிச்சையளித்ததால் உயிரிழப்பு தவிா்க்கப்பட்டுள்ளது என்றாா் அவா்.

இந்த நிகழ்வில் மக்கள் நல்வாழ்வுத் துறை முதன்மைச் செயலா் ஜெ.ராதாகிருஷ்ணன், சிறப்பு அலுவலா் செந்தில்குமாா், சென்னை மாநகராட்சி துணை ஆணையா் மனீஷ், பொதுசுகாதாரம் மற்றும் நோய்த் தடுப்பு மருந்துத் துறை இயக்குநா் செல்வவிநாயகம், மருத்துவக் கல்வி இயக்குநா் நாராயணபாபு, திருவிக நகா் தொகுதி எம்எல்ஏ தாயகம் கவி உள்ளிட்டோா் பங்கேற்றனா்.