பெட்ரோல் மீதான கலால் வரியை 8 ரூபாயும், டீசல் மீதான கலால் வரியை 5 ரூபாயும் குறைக்கப்பட்ட நிலையில், சென்னையில் ஒரு லிட்டர் பெட்ரோல் ரூ. 8.22 குறைந்துள்ளது.

பெட்ரோல், டீசல் விலை உயர்வால் அனைத்து அத்தியாவசியப் பொருள்களும் விலையும் உயர்ந்தன. இதனால், மக்கள் பெரும் அவதிக்குள்ளாகி வந்தனர். இந்த நிலையில், பெட்ரோல் மீதான கலால் வரி லிட்டருக்கு ரூ. 8 மற்றும் டீசல் மீதான கலால் வரி லிட்டருக்கு ரூ. 6 குறைக்கப்படுவதாக மத்திய நிதியமைச்சர் நிர்மலா சீதாராமன் நேற்று (சனிக்கிழமை) அறிவித்தார்.

இதன்மூலம், பெட்ரோல், டீசல் விலை இன்று குறைந்துள்ளன. சென்னையில் ஒரு லிட்டர் பெட்ரோல் ரூ. 8.22 குறைந்து ரூ. 102.63-க்கு விற்பனையாகிறது. டீசல் லிட்டருக்கு ரூ. 6.70 விலை குறைந்து ரூ. 94.24-க்கு விற்பனையாகிறது.

எனினும், பெட்ரோல் விலை லிட்டருக்கு 100-க்கு கீழ் குறைய வேண்டும் என்பதே இன்னும் மக்களின் விருப்பமாக உள்ளது.