திருச்சி தெற்கு மாவட்டச் செயற்குழுக் கூட்டம், திருச்சி தெற்கு மாவட்ட அலுவலகத்தில், தமிழக பள்ளி கல்வி துறை அமைச்சரும், திருச்சி தெற்கு மாவட்ட பொறுப்பாளருமான அன்பில் மகேஷ் பொய்யாமொழி தலைமையில் திங்கள்கிழமை நடைபெற்றது.
இதையும் படிக்க | தலைமைக்கு தர்மசங்கடம் கொடுக்க வேண்டாம்: உதயநிதி
இதில், ஜூன் 3-ஆம் தேதி கருணாநிதியின் 99வது பிறந்த நாள் விழாவை சிறப்பாக மாவட்ட அலுவலகத்தில் கொடி ஏற்றி நலத்திட்ட உதவிகள் வழங்கி கொண்டாடுவது எனவும், சட்டப்பேரவை உறுப்பினரும் மாநில இளைஞர் அணி செயலாளருமான உதயநிதி ஸ்டாலினை அமைச்சராக்க வேண்டுமென ஒருமனதாக தீர்மானம் நிறைவேற்றப்பட்டது.
முதல்வர் ஸ்டாலின் 2 நாள்கள் சுற்று பயணமாக திருச்சி வரும் நிலையில் இந்த தீர்மானம் நிறைவேற்றப்பட்டது முதல்வரின் கவனத்தை ஈர்க்கும் திட்டமா எனப் பேச்சு எழுந்தது.
இதையும் படிக்க | அமைச்சராகிறார் உதயநிதி ஸ்டாலின்: ஜூன் முதல் வாரம் பதவியேற்பு?
இக்கூட்டத்தில் திருச்சி கிழக்கு சட்டப்பேரவை உறுப்பினர் இனிகோ இருதயராஜ், தலைமை செயற்குழு உறுப்பினர் கே.என்.சேகரன், கோவிந்தராஜன், வண்ணை அரங்கநாதன், செந்தில் மற்றும் மாநில, மாவட்ட நிர்வாகிகள், சட்டப்பேரவை உறுப்பினர்கள், தலைமை செயற்குழு உறுப்பினர்கள், பொதுக்குழு உறுப்பினர்கள், ஒன்றிய, பகுதி, நகர, பேரூர் கழக செயலாளர்கள், அனைத்து மாவட்ட அணிகளின் அமைப்பாளர்கள், ஒன்றிய பெருந்தலைவர்கள், கலந்து கொண்டனர்.