தமிழகத்தில் மேலும் 119 பேருக்கு கரோனா தொற்று உறுதி செய்யப்பட்டுள்ளது.

இதுகுறித்து மக்கள் நல்வாழ்வுத்துறை வெளியிட்டுள்ள செய்திக்குறிப்பில் கூறப்பட்டு இருப்பதாவது:- தமிழகத்தில் இன்று புதிதாக 119 பேருக்கு கரோனா உறுதி செய்யப்பட்டுள்ளது. இதில் அதிகபட்சமாக சென்னையில் 30 போ் பாதிக்கப்பட்டுள்ளனா். 

இதையும் படிக்க- எம்.எல்.ஏ , எம்.பி.க்களின் உறவினர்களுக்கு சீட் கிடையாது: பாஜக

இதனால் மொத்த பாதிப்பு 35,92,696-ஆக அதிகரித்துள்ளது. கரோனாவால் இன்று யாரும் உயிரிழக்கவில்லை. இதையடுத்து மொத்த பலி எண்ணிக்கை 38,048ஆக உள்ளது. இன்று ஒரு நாளில் மட்டும் 204 பேர் குணமடைந்து வீடு திரும்பியுள்ளனர். 

இதனால் இதுவரை குணமடைந்தோர் எண்ணிக்கை 35,53,509-ஆக உயர்ந்துள்ளது. தற்போது 1,139 பேர் கரோனா சிகிச்சையில் உள்ளனர்.