தமிழகத்தில் மேலும் 434 பேருக்கு கரோனா தொற்று உறுதி செய்யப்பட்டுள்ளது. 

தமிழகத்தில் கரோனாவால் பாதிக்கப்பட்ட தரவுகள் அடங்கிய விவரங்களை மக்கள் நல்வாழ்வுத் துறை வெளியிட்டுள்ளது. அதில், இன்று புதிதாக 434 பேருக்கு தொற்று உறுதி செய்யப்பட்டுள்ளது. இதனால் மொத்த பாதிப்பு 35,73,236-ஆக அதிகரித்துள்ளது.

அதிகபட்சமாக சென்னையில் 85 பேர் கரோனாவால் பாதிக்கப்பட்டுள்ளனர். அதற்கு அடுத்தபடியாக கோவை 59, செங்கல்பட்டில் 39 பேருக்கு தொற்று கண்டறியப்பட்டுள்ளது. அதேசமயம் கரோனாவால் இன்று யாரும் உயிரிழக்கவில்லை. 

இதையும் படிக்க- ஸ்மித், வார்னர் கேப்டன் ஆவதில் எந்தத் தடையும் இல்லை: ஆரோன் ஃபிஞ்ச்

இதையடுத்து மொத்த பலி எண்ணிக்கை 38,038 ஆக உள்ளது.   இன்று ஒரு நாளில் மட்டும் 456 பேர் குணமடைந்து வீடு திரும்பியுள்ளனர். இதனால் இதுவரை குணமடைந்தோர் எண்ணிக்கை 35,30,302-ஆக உயர்ந்துள்ளது. தற்போது 4,896 பேர் கரோனா சிகிச்சையில் உள்ளனர்.