சென்னையில் தங்கத்தின் விலை புதன்கிழமை சவரனுக்கு ரூ.260 குறைந்துள்ளது.

சென்னையில் திங்கள்கிழமை ஆபரணத் தங்கத்தின் விலை புதிய உச்சத்தை தொட்டு கிராம் ரூ.5975-க்கும், சவரன் ரூ. 47,800-க்கும் விற்பனையானது. கடந்த வாரத்தில் மட்டும் சவரனுக்கு ரூ. 1,500 அதிகரித்துள்ளது.

செவ்வாய்க்கிழமை காலை சவரனுக்கு ரூ. 1,000 குறைந்து சவரன் ரூ.46,800-க்கு விற்பனை செய்யப்பட்டது.  

இந்த நிலையில், இன்று காலை சவரனுக்கு ரூ. 280 குறைந்துள்ளது. கிராமுக்கு ரூ. 35 குறைந்து ரூ. 5,815-க்கு விற்பனையாகி வருகின்றது. சவரன் ரூ. 46,520-க்கு விற்பனையாகிறது.

அதேபோல், வெள்ளி விலை நேற்றைவிட 40 காசுகள் குறைந்து ஒரு கிராம் ரூ.81-க்கும், ஒரு கிலோ ரூ. 81,000-க்கும் விற்பனை செய்யப்பட்டு வருகின்றது.