உச்சநீதிமன்ற தீர்ப்பை தொடர்ந்து அதிமுகவின் இடைக்காலப் பொதுச் செயலாளராக எடப்பாடி பழனிசாமியை அங்கீகரிக்கக் கோரி இந்திய தேர்தல் ஆணைய அதிகாரிகளை அதிமுகவினர் இன்று சந்திக்கவுள்ளனர்.

அதிமுக இடைக்காலப் பொதுச் செயலாளராக எடப்பாடி கே.பழனிசாமி தேர்வானது செல்லும் என்றும் கடந்த ஜூலை 11 ஆம் தேதி நடைபெற்ற அதிமுக பொதுக்குழு செல்லும் என்றும் உச்சநீதிமன்றம் நேற்று(வியாழக்கிழமை) தீர்ப்பு வழங்கியது.

இதையும் படிக்க | ரஷியப் படை வெளியேறக் கோரி ஐ.நா. தீர்மானம்: இந்தியா வாக்களிக்கவில்லை

மேலும், சென்னை உயர்நீதிமன்ற தீர்ப்பை எதிர்த்து மேல்முறையீடு செய்யப்பட்ட ஓ. பன்னீர்செல்வத்தின் மனுக்களை உச்சநீதிமன்றம் தள்ளுபடி செய்தது.

இந்நிலையில், தில்லி சென்றுள்ள அதிமுக எம்.பி. சி.வி.சண்முகம், இந்திய தேர்தல் ஆணைய அதிகாரிகளை இன்று நேரில் சந்தித்து, அதிமுகவின் இடைக்காலப் பொதுச் செயலாளராக அங்கீகரிக்கக் கோரி மனு அளிக்கவுள்ளார்.