காங்கிரஸில் இருந்து விஜயதரணி நீக்கம்

பாஜகவில் இணைந்த விஜயதரணியை கட்சியில் இருந்து நீக்கி காங்கிரஸ் கட்சி நடவடிக்கை எடுத்துள்ளது.

விஜயதரணியை கட்சியில் நீக்கம் செய்து காங்கிரஸ் மேலிட பொறுப்பாளர் அஜய் குமார் உத்தரவிட்டுள்ளார். காங்கிரஸ் கட்சியில் இருந்து விலகி எம்எல்ஏ விஜயதரணி பாஜகவில் இன்று இணைந்தார்.

கன்னியாகுமரி மாவட்டம், விளவங்கோடு சட்டமன்றத் தொகுதி காங்கிரஸ் எம்எல்ஏவாக விஜயதரணி உள்ளார்.

ஏற்கெனவே 2011-2016 சட்டமன்றத் தேர்தல்களிலும் காங்கிரஸ் சார்பில் விஜயதரணி வெற்றி பெற்றார். தேசிய விநாயகம் பிள்ளையின் கொள்ளு பேத்தியான விஜயதரணி காங்கிரஸில் பல பொறுப்புகளை வகித்தவர்.

பாஜகவில் விஜயதரணி இணைவார் என்று தகவல்கள் பரவியபோதும் காங்கிரஸ் அதனை மறுத்து வந்தது என்பது குறிப்பிடத்தக்கது.