குடியரசு நாள் விழாவுக்கான அணிவகுப்பு ஒத்திகை காரணமாக சென்னை காமராஜர் சாலையில் போக்குவரத்து மாற்றம் செய்யப்படுகிறது.

நாடு முழுவதும் குடியரசு நாள் வருகின்ற ஜன.26-ம் தேதி கொண்டாடப்பட உள்ளது. இதற்காக ஜன. 26 மற்றும் ஜன. 19, 22, 24 ஆகிய 4 நாள்களில் குடியரசு நாள் விழாவுக்கான அணிவகுப்பு ஒத்திகை நடைபெறுகிறது.

மேற்கண்ட நாள்களில் காமராஜர் சாலையில், காந்தி சிலை முதல் போர் நினைவுச் சின்னம் வரை காலை 6 மணி முதல் நிகழ்ச்சி முடியும் வரை வாகனங்கள் அனுமதிக்கப்படமாட்டாது எனத் தெரிவிக்கப்பட்டுள்ளது.

இதையும் படிக்க: அடுத்த 2 மணி நேரத்துக்கு 5 மாவட்டங்களில் மழை!

மேலும், அண்ணாசாலை மற்றும் கொடிமர இல்ல சாலை (வாலாஜா பாய்ண்ட்) சந்திப்பிலிருந்து போர் நினைவுச் சின்னம் நோக்கி வாகனங்கள் செல்ல அனுமதியில்லை என்றும் தெரிவிக்கப்பட்டுள்ளது.