சென்னையில் ஆபரணத் தங்கத்தின் விலை புதன்கிழமை காலை ரூ.560 அதிரடியாக குறைந்துள்ளது.

தங்கத்தின் விலை சில நாள்களாகவே படிப்படியாக உயர்ந்து, கடந்த வாரம் புதிய உச்சமாக ஒரு சவரன் ரூ. 56,960-க்கு விற்பனையாகி மக்களுக்கு அதிர்ச்சி அளித்தது.

இந்த வாரத் தொடக்கத்தில் சற்று குறைந்த நிலையில், கடந்த இரண்டு நாள்களாக ஒரு சவரன் தங்கத்தின் விலை ரூ.56,800-க்கு விற்பனை செய்யப்பட்டு வந்தது.

இதையும் படிக்க : சாம்சங் தொழிலாளர்கள் போராட்டம்! நள்ளிரவில் பந்தல் அகற்றம், சங்க நிர்வாகிகள் கைது!

இந்த நிலையில், புதன்கிழமை காலை 22 கேரட் ஆபரணத் தங்கத்தின் விலை ஒரு சவரனுக்கு ரூ. 560 குறைந்து, ரூ. 56,240-க்கு விற்பனையாகிறது. ஒரு கிராம் தங்கத்தின் விலை ரூ. 7,030-க்கு விற்பனை செய்யப்படுகிறது.

அதேபோல், 24 கேரட் ஆபரணத் தங்கத்தின் விலை ஒரு சவரன் ரூ. 59,880-க்கும் ஒரு கிராம் ரூ.7,485-க்கும் விற்பனை செய்யப்படுகிறது.

வெள்ளி அதிரடி குறைவு

சென்னையில் ஒரு கிராம் வெள்ளியின் விலை ரூ. 2 குறைந்துள்ளது. ஒரு கிராம் ரூ. 100-க்கும், கட்டி வெள்ளி ஒரு கிலோ ரூ. ஒரு லட்சத்துக்கும் விற்பனையாகி வருகின்றது.