வெங்கையா நாயுடு, அகிலேஷ் யாதவ் பிறந்த நாள்: முதல்வர் வாழ்த்து

முன்னாள் குடியரசு துணைத் தலைவர் வெங்கையா நாயுடு மற்றும் சமாஜவாதி கட்சித் தலைவர் அகிலேஷ் யாதவ் ஆகியோருக்கு முதல்வர் மு.க. ஸ்டாலின் பிறந்தநாள் வாழ்த்துகளைத் தெரிவித்துள்ளார்.

முன்னாள் குடியரசு துணைத் தலைவர் வெங்கையா நாயுடு இன்று(ஜூலை 1) தனது பிறந்தநாளைக் கொண்டாடுகிறார்.

அவருக்கு வாழ்த்து தெரிவிக்கும் வகையில் முதல்வர் மு.க. ஸ்டாலின் தனது எக்ஸ் பக்கத்தில்,

"உங்களுக்கு நல்ல ஆரோக்கியம், மகிழ்ச்சி, தொடர்ந்து ஞானம் கிடைக்க வாழ்த்துகிறேன்" என்று பதிவிட்டுள்ளார்.

அதேபோல சமாஜவாதி கட்சித் தலைவர் அகிலேஷ் யாதவுக்கும் முதல்வர் ஸ்டாலின் பிறந்தநாள் வாழ்த்து கூறியுள்ளார்.

"வி.பி.சிங் மண்ணில் சமூகநீதியின் ஒளியை முன்னெடுத்துச் சென்று முற்போக்கான அரசியலுக்கு வழிவகை செய்யவும் உங்களுடைய தந்தை முலாயம் சிங்கின் பெருமைமிக்க வழியில், பிற்போக்குத்தனமான சித்தாந்தங்களுக்கு எதிராக எப்போதும் வலுவாக நிற்கவும் வாழ்த்துகிறேன்" என்று பதிவிட்டுள்ளார்.